Гвардиола во Манчестер Сити носи фудбалер кој до пред три години бил аматер?

Фудбалот навистина раскажува неверојатни приказни. Понекогаш мислите дека тоа е можно само во филмовите, но потоа сфаќате дека има приказни во фудбалот кои заслужуваат сечие почитување.

Главниот јунак на оваа приказна е Абдудкодир Хусанов, 20-годишен Узбекистанец, кој игра фантастичен фудбал.

Пред три години, овој фудбалер беше аматер кога премина од Бунјодокор во белорускиот Енергетик-БГУ.

Во Белорусија стигна без отштета, а потоа, лете 2023 година за само 100,000 евра премина во францускиот Ланс.

На сите им беше чудно како некој непознат фудбалер преминал во Лига Пет, но скаутите на Ланс го видоа тоа што другите не успеале.

Хусанов не само што се истакна во Ланс, туку за две сезони стана еден од клучните фудбалери, а тој аматер од почетокот на приказната достигна пазарна вредност од 12 милиони евра.

Така стана највредниот узбекистански фудбалер, а веќе има и 18 настапи за фудбалската репрезентација на својата држава.

Игрите во Ленс не поминаа незабележано и можно е да направи неверојатен трансфер за кој можеше само да сонува пред три години.

За Хусанов е сериозно заинтересиран Манчестер Сити и Граѓаните веќе оваа зима би можеле да испратат понуда до Ленс.

Споменатиот фудбалер има договор со францускиот клуб до лето 2027 година, а островските медиуми пишуваат дека Сити е подготвен да го доведе без оглед на цената. Самиот Гвардиола изразил желба да го види Узбекистанецот на Етихад.