Гвардиола ја сака ѕвездата на Реал Мадрид: Манчестер сити подготвува понуда

Пеп Гвардиола по разочарувачката сезона планира големи засилувања за летово, а главната желба на шпанскиот стручњак повторно ќе биде ѕвезда на Реал Мадрид Родриго.

Манчестер Сити планира да влезе во наредната сезона со нови имиња во тимот. Се очекуваат бројни промени, особено по сезоната во која Граѓаните во сите натпреварувања изгледаа навистина скромно.

Јануари на Етихад донесе неколку нови имиња, а Граѓаните ќе покажат каква моќ имаат во летниот преоден рок и ќе тргнат по големи имиња.

Флориан Вирц од Баер Леверкузен е едно од имињата кои се поврзуваат со Сити, а покрај него Пеп Гвардиола сака да го засили офанзивниот дел на екипата со ѕвездата на Реал Мадрид Родриго.

Години наназад Шпанецот го сака бразилскиот офанзивец. Буквално е вљубен во него, силно го посакува во својот состав и следното лето ќе се обиде повторно да го доведе.

Ова нема да биде лесна задача бидејќи Родриго е среќен во Мадрид, Иако често е во сенка на оние најголеми ѕвезди како Мбапе, Винициус и Белингхам, бразилецот често истакнувал дека се гледа себе години на Бернабеу.

Сепак, јасно е дека и Реал понекогаш мора да продава. Ако постои потреба за тоа за да се пополнат дупките во други делови на екипата, Родриго би можел да биде првиот избор за заминување.

Неговата вредност на пазарот е огромна, Реал би можел да заработи и до 150 милиони евра. Тоа е сума на која претседателот Флорентино Перес не може да остане имун.

Гвардиола Родриго го смета за идеалниот човек за неговиот тим. Сигурно ќе се обиде да го убеди да дојде на Етихад каде би бил една од главните ѕвезди и каде не би имал проблеми како во Реал, каде често беше последна опција за нападот на екипата.