Пресврт: ФИФА не ги избриша шесте голови на Роналдо!

Легендарниот Кристијано Роналдо не се откажува од неговата амбициозна цел да постигне 1.000 гола во својата кариера.

Португалецот повторно се најде во центарот на вниманието откако постигна два погодока за Ал-Наср против Ал-Најма, со што достигна вкупно 967 гола.

Ова значи дека го делат само уште 33 погодоци од историската бројка кон која се стреми подолго време.

Сепак, наскоро се појавија информации кои предизвикаа забуна кај навивачите.

Одредени извори тврдеа дека Роналдо всушност има 961 гол, бидејќи платформи како SofaScore и Transfermarkt не ги вклучуваат шесте голови од Arab Club Champions Cup.

Причината за ова е класификацијата на тоа натпреварување како пријателски турнир, поради што тие голови не се сметаат во нивните статистики.

Ситуацијата дополнително се усложни со тврдењата дека тоа е направено по наредба на ФИФА, која наводно не го признава тој турнир. Меѓутоа, брзо се дозна дека ваквите информации не се точни.

IFFHS јасно потврди дека сите голови на Роналдо се валидни, вклучувајќи ги и оние шест кои беа предмет на дискусија.

Дополнителна потврда даде и самата ФИФА, која во официјално известување по повод неговиот 950-ти гол ги вклучи и погодоците постигнати на тоа натпреварување.

Исто така, во еден од неодамнешните извештаи за неговите настапи, ФИФА посебно ги истакна успесите на Роналдо во дресот на Ал-Наср на тој турнир.