Ѓоковиќ со денешната епска победа урна и низа рекорди!

Српската тениска легенда Новак Ѓоковиќ постигна уште неколку неверојатни подвици откако се пласираше во своето 38. финале на Грен слем турнир.

Овој импресивен број финалиња досега не е достигнат од ниту еден тенисер во Опен ерата, при што Роже Федерер е второпласиран, но со значителен отстап на вкупно 31 финале.

Во претстојната недела, Ѓоковиќ ќе се соочи со Карлос Алкарас во борба за титулата, и тоа како највозрасниот тенисер што некогаш заиграл во финалето на Австралија опен. Со 38 години и 241 ден, го надмина достигнувањето на Кен Роузвел, кој во 1972 имаше 37 години и 54 дена.

Победата над Јаник Синер беше неговата 20-та над играчи од Топ 10 во Мелбурн, со што се изедначи со Рафаел Надал според бројот на победи на еден Грен слем турнир против тенисери од оваа елитна група.

Клучот за триумфот во главно лежеше во одличната игра на Ѓоковиќ при брек топките на противниците. Успеа да спаси дури 16 од 18, што е втор најефикасен резултат по мечот со Енди Мареј во полуфиналето 2012 година.

Навистина, уште еден извонреден успех на нашиот тенисер.