Ѓокереш ќе се „жртвува“ за трансфер во Арсенал, но Спортинг сè уште не дава „зелено светло“

Напаѓачот на Спортинг Лисабон, Виктор Ѓокереш, направи голем чекор кон потенцијален трансфер во Арсенал, нудејќи се да се откаже од 2 милиони евра од својата плата со цел да ги олесни преговорите меѓу двата клуба. Овој потег јасно ја покажува решителноста на шведскиот репрезентативец да премине во Премиер лигата и да се приклучи на тимот на Микел Артета.

Иако фудбалерот веќе дал согласност и е подготвен на финансиска жртва за да го реализира трансферот, претседателот на Спортинг, Фредерико Варандаш, сè уште не ја прифатил понудата. Португалскиот клуб е тврд преговарач и бара сериозна сума за да се раздели со еден од своите највредни играчи.

Арсенал е заинтересиран за Ѓокереш како дел од своите засилувања за новата сезона, но исходот од преговорите зависи токму од тоа дали Спортинг ќе ја прифати понудата и под какви услови.

Трансфер сагата продолжува, а Арсенал останува во трка за напаѓачот кој е подготвен да направи сè за да го облече дресот на „топчиите“.

Фото: Принтскрин