Го сруши Баерн Минхен, а сега неговиот клуб одби голема понуда од Милан

Сантиаго Хименез се претстави на пошироката јавност минатата недела со два гола во Лига на шампионите кога го победи баварскиот клуб, а добрите партии не останаа неприметени.

23-годишниот напаѓач веќе трета сезона по ред игра одлично во Фејенорд и Ередивизија, а минатата недела влезе на голема врата и на пошироката европска сцена.

Во натпреварот помеѓу Фејенорд и Баерн Минхен, Хименез блескаше со два гола и ја водеше својата екипа до неочекувана победа (3:0).

Таквиот настап очигледно не помина незабележан, па се појавија заинтересирани клубови..

Како што дознава Супердепортиво, Милан испратил понуда за напаѓачот од 20 милиони евра и 10% профит од следната продажба.

Од раководството на холандскиот клуб не беа задоволни со понудата, бидејќи сметаат дека нивниот играч вреди повеќе, па така ја одбија првата понуда.

Сепак, тука веројатно нема да биде крајот. Советникот на Милан, Златан Ибрахимовиќ, го пофали Гименез за време на претставувањето на Кајл Вокер.

“Хименез е одличен талент со многу потенцијал. Сите овде знаеме колку е добар”, рече популарниот Ибра.

Зборовите на Златан навестуваат дека тука нема да биде крај на обидите на Милан да го доведат талентираниот напаѓач.

Интересно е да се спомене дека Сантиаго Гименез е роден во Буенос Ајрес, но не избра да игра за Аргентина.

Порасна во Мексико и се одлучи за таа репрезентација за која веќе има одиграно 32 натпревари во досегашниот тек на кариерата.