Германија ја совлада Словенија со резултат 99:91 и се пласираше во полуфиналето на Евробаскет. Во петок ќе се соочи со Финска. Натпреварот започна одлично за Словенија, која до крајот на првата четвртина водеше со 11 поени разлика (21:32). Сепак, Германците постепено ја намалуваа предноста. Во наредните две четвртини играа подобро и го презедоа водството на почетокот од последната четвртина со серија од 12:0.
Четвртата четвртина беше напната. Лука Дончиќ ја одржуваше Словенија во играта со одлични потези, но мораше внимателно да игра одбрана поради проблеми со личните грешки. Сепак, Франц Вагнер, Денис Шредер и Даниел Таис беа премногу моќни за словенечкиот тим.
Street Workout Macedonia – Движење што гради сила, карактер и издржливост | Уште еден поткаст
Дончиќ беше најефикасен со 39 поени, десет скокови и седум асистенции, при што погоди пет тројки од 16 обиди. Германското трио Таис-Шредер-Вагнер во комбинација постигна 58 поени. Вагнер беше најдобар со 23 поени, Шредер заврши со 20, а Таис собра 15 поени.
Во средата, и репрезентацијата на Финска за прв пат во историјата избори полуфинале. Финците победија против Грузија. Во другото полуфинале ќе се сретнат Грција и Турција, а двете полуфиналиња ќе се играат во петок. Финалето и натпреварот за трето место се закажани во недела.
Полуфинални парови на Евробаскет
- Грција – Турција
- Германија – Финска
Учество во игри на среќа е дозволено за лица со 18+ години. Играј одговорно!