Гатузо: Ова беше најлудИот натпревар откако сум тренер

ЏЕНАРО ГАТУЗО призна дека победата на Италија со 5:4 против Израел била “најлудата игра во која учествувал како тренер”, но истакна дека неговиот тим “прима смешни голови премногу лесно”. Очекувањата беа огромни по воведната победа од 5:0 во неговото деби против Естонија, но Гатузо веќе тогаш предупреди дека Израел ќе биде значително потежок тест.

Израел неочекувано добро го отвори натпреварот со автоголот на Мануел Локатели, а потоа и водството 2:1 со погодокот на Дор Перец. Мојс Кин двапати ги врати Азурите во натпреварот, по што Матео Политано постигна гол. Ниту водството од 4:2 не беше доволно – Израел се врати на 4:4, додека конечните 5:4 ги донесе Сандро Тонали.

“Имавме вистински хаос денес”, призна Гатузо за RAI Sport и Sky Sport Italia. “Тоа беше најлудата игра во која сум бил како тренер, но тоа е мојот проблем, а не проблем на играчите. Ако сакаме да играме на одреден начин, мораме да се подобриме.

Ние сме луда екипа затоа што премногу лесно примаме смешни голови. Играчите го знаат тоа, но тоа е мојот проблем, не нивниот. Доаѓаме од фудбал базиран на референци, но сега треба да изградиме свој автентичен идентитет.”