Пол Гаскојн, англиска фудбалска легенда, отворено призна дека цел живот се бори со зависноста од алкохол и дека “никогаш нема да престанам да пијам”. Во ново интервју и својата книга, искрено зборува за својата борба и менталното здравје кое го следи повеќе од 20 години откако се пензионираше.
“Не пијам затоа што ги мразам мајка ми и татко ми, ниту затоа што ја мразам јавноста. Не се работи за тоа. Тоа го правам поради самата потреба”, рече Гаскојн. Додаде дека живее за “денес” и дека не размислува за вчера ниту утре: “Само размислувам за денес и живеам за денес”.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Гаскојн истакна: “Не се имам променето, не можам да се променам, не би знаел како да се променам. Веројатно ќе умрам како Газа. Но, немам што да кријам. Целата земја сега знае што направив”. Отворено зборуваше за своите проблеми, како знае да му се случи пад на расположението и да се чувствува жално, но „лицето што најмногу го повредуваш си ти самиот”.
Исто така, го сподели своето искуство со Анонимните алкохоличари: “Само кога првпат отидов на состаноци на Анонимните алкохоличари, сфатив дека сум алкохоличар”. И покрај предизвиците, јасно рече: “Пиев зашто сакав да пијам, подоцна се каев за последиците”.
Гаскојн искрено опиша колку му е тешко да се справи со зависноста, но и покрај тоа продолжува да се бори и не се повлече од јавноста. “Мислам дека ќе се откажам само кога ќе бидам во дрвен ковчег. Освен тоа, ќе продолжам да се борам”, заклучи познатиот фудбалер.
Учество во игри на среќа е дозволено за лица со 18+ години. Играј одговорно!