Претстојното Светско првенство во фудбал во Соединетите Американски Држави, Канада и Мексико ќе брои 48 национални тимови, што предизвика различни реакции. Многумина сметаат дека квалитетот на најпопуларниот спортски настан на секои четири години ќе се намали, но што ќе кажете кога ќе го чуете планот за 2030 година.
Од доаѓањето на Џани Инфантино на чело на ФИФА, селекциите од Африка, Азија, Океанија и Северна Америка профитираа, бидејќи бројот на места за СП 2026 е значително зголемен, а за 2030 година тоа би можело да биде уште подрастично, бидејќи наводно се планира натпреварување со 64 репрезентации?!
Учиме по најтешкиот пат: Со едукација за заштита и спасување до спречување на трагедии! ↓↓↓
Да, добро прочитавте. Скоро една третина од националните тимови би учествувале на натпреварувањето кое ќе значи сто години од првиот Мундијал, кое би започнало во Аргентина, Уругвај и Парагвај, а потоа би се играло во Шпанија, Португалија и Мароко.
За наводниот план дозна “Њујорк Тајмс”, кој истакнува дека станува збор за еднократна идеја, која би се применувала само на јубилејното издание, додека од 2034 година во Саудиска Арабија бројот на репрезентации би се вратил на 48.
Учество во игри на среќа е дозволено за лица со 18+ години. Играј одговорно!