Светско првенство во фудбал – Мундијал во Русија 2018

Светот го тресе мундијалска треска, се одбројуваат деновите до почетокот на Светското фудбалско првенство. Од 14-ти јуни до 15-ти јули фудбалот ќе биде главна тема во целиот свет, а се останато ќе биде споредно.

Мундијалот се враќа на Стариот континет после 12 години и ќе се одржи во Русија, а ќе биде вкупно 21-во Светско првенство под покровителство на ФИФА.

На финалниот турнир ќе учествуваат 32 репрезентации, од кои 31 изборија пласман преку квалификации, плус домаќинот. Репрезентациите со ждреб беа распределени во 8 групи, па ќе се одиграат вкупно 64 натпревари на 12 стадиони во 11 градови.

Најголемата фудбалска смотра ќе се одигра на 12 стадиони во 11 градови. Москва е единствениот град во кој ќе се играат натпревари на два стадиони и град кој ќе биде домаќин на финалето.

„Лужники“ стадионот во Москва ќе биде местото каде што „шоуто“ ќе започне на 14-ти јуни и ќе заврши на 15-ти јули. Мундијалот ќе се игра уште во следните градови:

Санкт Петерсбург
Крестовски стадион (полуфинале и за трето место) 68.134 места

Калининград
Калининград стадион 35.212 места

Казан
Казан Арена 45.370

Нижји Новгород
Нижји Новгород стадион 44.899

Самара
Космос Арена 44.918

Волгоград
Волгоград Арена 45.568

Саранск
Мордовија Арена 45.015

Ростов
Ростов Арена 45.000

Сочи
Олимпијски стадион 47.659

Екатеринбург
Централ стадион 35. 696

Подетален опис на сите стадиони на кои ќе се игра Мундијалот може да видете ТУКА.

Ниту едно Светско првенство не може да помине без маскота, а заштитен знак на Мундијалот во Русија ќе биде волкот Забивака, Повеќе од милион луѓе со гласање преку интернет го избраа волкот пред мачката и амурскиот тигар во астронаутска опрема.

Натпреварите во групната фаза на Мундијалот 2018 ќе се играат од 14:00, 16:00, 17:00 и 20:00 часот по македонско време, а ќе има и еден кој ќе започнува од 12:00 часот.

Светското првенство ќе биде отворено со натпреварот Русија – Саудиска Арабија од 17:00 часот на стадионот „Лужники“ во Москва.

На Мундијалот во Русија ќе продефилираат точно 736 фудбалери, од најголеми ѕвезди до „анонимуси“ поделени во 32 репрезентации. Кога сме кај вредноста на фудбалерите најскапа е сигурно репрезентацијата на Бразил, чии играчи вкупно вредат 671,5милиони евра според проценките на Трансмаркт.

Втората најскапа репрезентација е Шпанија, а таму играчите вредат 643,5 милиони, Французите 636,5, Германците 636,5милиони, Аргентинците 528,5, Белгијците 502,25 милиони.

Приближно по овој редослет се наредени и фаворитите. Имено, според светските обложувалници најголем фаворит е Бразил, па потоа следуваат Германија, Франција, Шпанија и Аргентина.

Се е спремно за почеток, „Божицата“ го чека новиот сопственик, а ФИФА го објави промотивното видео кое ќе го гледаме пред секој меч и кое ќе не потсетува дека е време се друго да биде споредно – следува фудбал.