Тимот на Ал-Наср ја доби битката за потписот на дефанзивецот на Фејенорд, Давид Ханцко, известува новинарот Санти Ауна.
Саудијците ќе му платат на холандскиот клуб 35+5 милиони евра, а самиот играч ќе добие договор за 3+1 година, при што неговите медицински прегледи веќе се планирани.
Во изминатата година, Ханцко беше неколку пати поврзуван со трансфер во Атлетико Мадрид и Јувентус, а во последните денови беше споменавано дека е следен и од Интер.
Сепак, 27-годишниот играч ќе замине за Саудиска Арабија, каде што ќе стане соиграч на суперѕвездата Кристијано Роналдо. Словачкиот репрезентативец мина три сезони во Фејенорд, при што за тој период забележа 140 натпревари со 15 голови и 12 асистенции во дресот на тимот.
Коментари
Учество во игри на среќа е дозволено за лица со 18+ години. Играј одговорно!