Цените за храна на фудбалските стадиони ширум светот се популарна тема на социјалните мрежи, а специјализираната страница Footy Food повторно го привлече вниманието со својата последна објава.
Навивачите на стадионите плаќаат за храна многу повеќе од очекуваното, но вистински хит стана сумата што треба да ја издвоите ако сакате да се почестите за време на натпревар во Лос Анџелес.
Фудбалскиот клуб Лос Анџелес ФК, кој учествува во американската МЛС лига и станува сè попопуларен сезона по сезона, е вистински „шампион“ кога се зборува за цените на храната на стадионите.
Страницата Footy Food, која се занимава со анализирање на цените на фудбалските стадиони на глобално ниво, објави слика од сад со пуканки и лименка пиво на стадионот во Лос Анџелес.
Еден навивач за ова искуство плати 33 долари, што е приближно 30 евра, и тоа брзо привлече внимание на социјалните мрежи. Фановите останаа зачудени од цената за порција со пуканки и лименка од пола литар.
Учество во игри на среќа е дозволено за лица со 18+ години. Играј одговорно!