Европа е во исчекување: Мурињо се враќа на работа – почнал преговори со новиот клуб

Португалскиот стручњак Жозе Мурињо ненадејно доби отказ од Фенербахче пред еден месец и сега е слободен на тренерскиот пазар, а интерес има и од клубови и од репрезентации.

Се споменуваше дека Мурињо би можел да добие и селекторска позиција, интерес имаше и од Нотингем Форест, а сега португалските медиуми објавуваат спектакуларни вести.

Наводно, Жозе Мурињо постигнал начелна согласност со тимот на Бенфика.

Португалските медиуми пишуваат дека Лаж е веќе минато и дека Мурињо би можел да заврши сè со Бенфика до крајот на неделата.

Жозе Мурињо веќе беше на клупата на Бенфика, но само три месеци на почетокот од неговата тренерска кариера од септември до декември 2000 година.