Елмас пристигна во Неапол – среќен е што се враќа дома (Видео)

Македонскиот фудбалски репрезентативец Елиф Елмас доцна синоќа слета во Неапол, каде што денеска треба официјално да ги заврши сите формалности околу неговото враќање во редовите на Наполи.

Популарниот „дијамант“ повторно се враќа во клубот каде што ги доживеа најубавите моменти во својата кариера – го освои историското Скудето и остави силна трага кај навивачите. По краткиот престој во Лајпциг, каде што не успеа целосно да се наметне и да добие посериозна улога, враќањето во Италија претставува големо олеснување и нова шанса за него.

На фотографиите и снимките од пристигнувањето во Неапол, Елмас изгледа видно расположен, а неговата насмевка најавува дека повторно се чувствува „како дома“.

Фото: Принтскрин