ЕХФ ги одреди домаќините на Европските првенства за 2030 и 2032 година

Изминатиот викенд во Виена се одржа вонредниот конгрес на Европската ракометна федерација.

Таму беа одбрани домаќините за Европското првенство за мажи ЕХФ 2030 и 2032 година, како и за женското ЕХФ 2032 година.

Во наредниот период ќе биде познат и домаќинот на Европското првенство за жени 2030 година.

Причината поради која сè уште не е познат домаќинот е што ниту една држава досега не аплицирала за домаќинство.

Данска, Полска и Чешка ќе бидат домаќини на Европското првенство за мажи 2030 година.

Европското првенство 2030 година ќе се игра од 10 до 27 јануари 2030 година.

Две години подоцна, Франција и Германија ќе го организираат Европското првенство, кое ќе се одржи од 15 јануари до 1 февруари.

Кога станува збор за ракометарките, Европското првенство 2032 година ќе се одигра во Германија, Данска и Полска од 1 до 19 декември 2032 година.