Eден фудбалер мораше да се откаже од својот број во Јунајтед поради Шешко

Бенџамин Шешко конечно ќе го добие посакуваниот број на дрес во Манчестер Јунајтед.

Големото засилување на клубот од „Олд Трафорд“ ќе го носи бројот 30, кој досега беше зафатен.

За време на подготовките, јуниорскиот играч Дијего Леон, кој игра како лев бек, го носеше тој број, но се согласи да го отстапи на Шешко.

Така, Леон ќе настапува со број 35, а Шешко ќе го облече дресот со број 30 во Манчестер Јунајтед.

Да потсетиме, Шешко неодамна го заврши својот значаен трансфер, при што Манчестер Јунајтед на Ред Бул Лајпциг му исплати 75 милиони фунти.