Eвертон за 25 милиони фунти го купи капитенот на младата репрезентација на Англија

Тимот на Евертон предводен од Карло Анчелоти игра одлично на почетокот на Премиер лигата, а утрово „карамелите“ доведоа ново засилување.

Евертон го промовираше Бен Гадфри кој пристигнува од Норвич за сума од 25 милиони фунти, со бонуси Норвич би можеч да заработи и 30 милиони.

„Бен Гадфри потпиша за Евертон, тој стави потпис на петгодишен договор со важност до јуни 2025 година“, стои во објавата од Евертон.

Станува збор за играч кој иако е бек може да игра и во средниот ред. Гадфри има 22 години и беше и капитен на младата репрезентација на Англија.

Евертон после четири кола во Премиер лигата има максимални 12 бодови, а следното коло по репрезентативната пауза го очекува градското дерби со Ливерпул.