Дресот од дебито на Дончиќ вреди цело богатство

Лука Дончиќ дебитираше за Лос Анџелес Лејкерс на натпреварот против Јута и во победата со резултат 132:113 постигна 14 поени, пет скока и четири асистенции.

Потоа одигра уште еден натпревар против истиот тим и Лејкерс беа поразени со 132:119, но темата што далеку повеќе ја интересираше јавноста беше – кај кого се наоѓа дресот од дебитанскиот натпревар на Лука Дончиќ за Лејкерс. Бидејќи, според последните податоци што се појавија во американските медиуми – вреди вистинско богатство.

„ТМЗ Спортс“ спроведе истражување што вклучуваше експерти за да утврди колку вреди дресот на Лука од дебито и Давид Колер, голем колекционер на спортски реквизити, процени дека таа сума изнесува помеѓу 500.000 и 1.000.000 долари!