Драма во Мадрид: Реал се „тресе“ пред одлуката на УЕФА

Реал Мадрид со нетрпение го очекува утрешниот ден. Европската фудбалска федерација (УЕФА) ќе одлучува за потенцијалните казни за четири ѕвезди на кралскиот клуб кои се под истрага поради неспортско однесување на натпреварот од осминафиналето на Лигата на шампионите против Атлетико.

Играчите на Реал Мадрид „претераа“ во прославувањето на натпреварот во осминафиналето на Лигата на шампионите против градскиот ривал Атлетико.

По елиминацијата на ривалот по пенали, Антонио Рудигер, Килијан Мбапе, Дани Себаљос и Винисиус Jуниор отидоа пред навивачите на домашната екипа и почнаа со провокации.

Атлетико не сакаше да молчи. Ги пријави фудбалерите на Реал пред Етичката комисија и побара четирите ѕвезди на тимот од Мадрид да бидат казнети.

Етичките и дисциплински инспектори во претходниот период напорно работеа. Ги прегледаа сите снимки од натпреварот одржан на 12 март и сега се подготвени да донесат одлука.

Одлуката ќе биде официјализирана во петок, 4 март. Во Мадрид имаат значителен страв од можни суспензии за натпреварот од четвртфиналето против лондонскиот Арсенал.

„Реал Мадрид ќе ја дознае одлуката на УЕФА во петок. Особена загриженост постои поради Антонио Рудигер кој би можел да биде суспендиран поради прославата со раце околу вратот“, објавува Марка, а новинарот Хосе Феликс Дијаз додава:

„Винисиус, Мбапе и Себаљос се соочуваат со казна од една натпревар забрана. Сепак, таа казна би можела да биде одложена ако сличен прекршок се повтори во наредната година.“