Дончиќ испиша историја: Никој друг нема старт како него во Лејкерс!

Словенскиот кошаркар Лука Дончиќ се запиша во аналите на историјата, покажувајќи се како најголемото засилување досега за Лејкерс барем кога се бројките во прашање.

Дончиќ се уште закрепнува од повредата на прстите и оваа пауза од натпреварите најверојатно ќе трае до средината на следната недела. Но, и покрај тоа, само две изиграни средби оваа сезона му беа доволни за да ги остави зад себе сите ѕвезди на Лејкерс низ историјата.

Според статистиките на американските аналитичари, Дончиќ по првите 30 натпревари стана најефикасното засилување во историјата на овој славен клуб.

Дончиќ досега одиграл вкупно 30 натпревари за Лејкерс, постигнувајќи импресивни 881 поен.

Luka Dončić has broken the record for most points (881) in first 30 games as a Laker. That’s tied for the fifth-most points in @NBA history by a player in his first 30 games with a new team. pic.twitter.com/kOeQS5QNJV

— Crazy Stats (@NBAcrazystats) October 26, 2025

На второто место е легендарниот Карим Абдул-Џабар со 865 поени во првите 30 натпревари за Лејкерс, додека третиот е Џорџ Мајкан со 845 поени. ЛеБрон Џејмс е на четвртото место со 831 поен, а потоа следи Ентони Дејвис со 824 поени.

Исто така, ова е петтиот најдобар резултат на кој било кандидат за кој било НБА клуб по преминувањето, односно во првите 30 натпревари.

И покрај сомнежите за неговото прилагодување во Лакерс, Дончиќ блеска и ги надминува големите имиња на оваа истакната екипа. Исто така, дека е во одлична форма, се покажа и на Евробаскетот, каде што ја водеше неговата Словенија до четвртфиналето.