Димитриевски: Бараме поддршка од публиката, одиме на победа!

Дванасет бодови од шест натпревари е билансот на Македонија во квалификациите за пласман на Светското првенство идната година.

Првото место е императив за нашите репрезентативци, а пред одлучувачкиот меч против Велс, Македонија има „домашна задача“ против Казахстан.

Столе Димитриевски, голманот на репрезентацијата очекува сосема поинаков меч од Гент и сега Македонија да се најде во ситуација да напаѓа и да ги освои трите бода.

„Важен меч ќе биде овој, очекувам да дојде голем број на публика за да ни даде доста голема поддршка и да го добиеме овој натпревар. На секој меч очекувам ние да напаѓаме и да се браниме. Дефинитивно Белгија е поквалитетен противник од Казахстан.

Во Казахстан беше доста интересна затоа што двете селекции напаѓавме, и очекувам да бидеме доминантни во тој натпревар и да извлечеме поволен резултат, а поволен резултат за нас е победа“, рече чуварот на мрежата на Македонија.