Македонскиот репрезентативен голман, Столе Димитриевски, е на чекор од своето деби во шпанската Ла Лига за тимот на Валенсија, благодарение на непредвидената повреда на првиот избор меѓу стативите, грузискиот голман Гиорги Мамардашвили.
Мамардашвили, кој досега беше незаменлив на голот во сите натпревари од шампионатот, се здоби со сериозна повреда на десната нога за време на последниот дуел против Рајо Валјекано.
Салах руши рекорди! Викендов две големи дербија во Премиер Лига! ↓↓↓
Според официјалното соопштение од клубот, грузискиот голман ќе започне процес на рехабилитација во тренинг центарот на Валенсија и ќе биде надвор од тимот за следните неколку натпревари. Неговото отсуство значи дека Димитриевски ќе има можност да се докаже како добар избор за престојниот натпревар против Валјадолид, кој ќе се одигра в петок.
Димитриевски веќе го носеше дресот на „лилјаците“ во две средби од Купот на Кралот, каде што тимот извојува убедливи победи.
Учество во игри на среќа е дозволено за лица со 18+ години. Играј одговорно!