Џеко се враќа во Германија и го засилува култниот клуб?!

Легендарниот босанскохерцеговски центарфор Един Џеко би можел оваа зима да се врати во германскиот фудбал, кој го напушти далечната 2011 година.

Со Волфсбург, пред 17 години ја освои Бундеслигата, давајќи голем придонес на патот кон сензационалната титула на “волците”, а според преносите на германскиот “Скај спорт”, сега би требало да игра во Цвајта.

Како што се наведува, Џеко е во сериозни преговори со Шалке, лидерот на вториот ранг на германскиот фудбал, култниот тим кој последните години е во криза, но оваа сезона сака да се врати во Бундеслигата, каде што припаѓа.

Се очекува наскоро да се раздели со Фиорентина, а Шалке во него гледа идеално засилување кое би му помогнало сезоната да ја заврши на позициите кои водат во Бундеслигата.