Дерби на денот: Заспаната Франција на гости кај разиграната Италија

Натреварите во Лигата на нации се завршуваат со големо дерби на „Сан Сиро“ помеѓу Италија и Франција.

Италија игра одлично

После лошото издание на Европското првенство, Италија игра фантастично во Лигата на нации и е најголемо изненадување. Спалети создаде компактен тим, во репрезентацијата се врати Тонали и „аѕурите“ во Лигата на нации изгледаат непобедливо. Моментално се на првото место во групата со три бода повеќе од Франција, која ја победија среде Париз со 1:3. Тоа значи дека и пораз со еден гол разлика ќе ги задржи Италијанците на првото место во групата, што е главна цел. Меѓутоа, тимот е во одлична форма и секако ќе оди на нова победа, бидејќи Франција е историски голем ривал, а домашниот терен ќе биде голема предност.

Франција не игра според очекувањата

Француската репрезентација разочара на последното Европско првенство и според играта и според резултатите, иако важеше за еден од најголемите фаворити.Селекторот Дешамп спреми нов почеток со натпреварите во Лигата на нации и го подмалди тимот со Баркола и Олисе, но доживеа неопријатен пораз од Италија среде Париз. Критиките дополнително се зголемија, но атмосферата во тимот се подобри со победите на следните два меча. За овој циклус Дешамп нема да може да смета на првата ѕвезда, Килијан Мбапе, но сепак „триколорите“ имаат многу силен тим и без него. Пред два дена ремизираа против Израел, што е знак дека не функционираат работите во репрезентацијата.

Очекување

Ова е едно од најголемите дербија во Европа и секогаш е неизвесно, но по традиција е богато со голови, па веруваме дека така ќе биде и овој пат.