Давид Луиз по седум месеци го промени клубот, пристигна и предизвика еуфорија

Давид Луиз го раскина договорот со бразилскиот клуб Форталеза само седум месеци по пристигнувањето. Наскоро по раскинот, Луиз одлучи да ја продолжи кариерата во кипарскиот шампион Пафос. Неговото доаѓање на Кипар предизвика огромен интерес кај јавноста.

Тридесетосумгодишниот Бразилец и Пафос треба да постигнат договор кој ќе трае до 2028 година, додека клубот се подготвува за двомечот во квалификациите за Лигата на шампионите против Динамо Киев.

Овој трансфер е значаен бидејќи претставува враќање на Луиз во европскиот фудбал, првпат по неговото заминување од Арсенал во 2021 и трансферот во Фламенго.

🇧🇷🛬 David Luiz (38) has landed in Cyprus to sign for Pafos FC! @PafosFCsupport pic.twitter.com/R33uEPKoUf

— EuroFoot (@eurofootcom) August 3, 2025

Роден во 1987 година, Луиз ја започна кариерата во Виторија, а подоцна се пресели во Бенфика каде што играше пет сезони станувајќи еден од клучните играчи. Во 2011 година, тој се приклучи на Челзи, со кој ја освои Лигата на шампионите и ФА Купот, а потоа во 2014 година премина во Пари Сен Жермен за тогаш рекордни 50 милиони евра за дефанзивец.

Со парискиот клуб освои повеќе домашни трофеи, по што во 2016 година повторно се врати во Лондон, каде што со Челзи ја освои Премиер лигата и Лигата на Европа. Потоа, во 2019 година, Луиз се приклучи на Арсенал, со кој го освои ФА Купот, а подоцна настапуваше и за Фламенго.

Во националната репрезентација играше од 2010 до 2017 година, учествувајќи на четири големи натпреварувања и освојувајќи го ФИФА Купот на конфедерации во 2013. Во 57 натпревари за репрезентацијата постигна три погодоци.