Дамата ги нагости граѓаните, Милан едвај, Барса го освои Дортмунд

Јувентус запиша голема победа и ја продолжи агонијата на Гвардиола, Милан едвај дојде до победа над Црвена Звезда во Лигата на шампиони.

Милан беше подобар во првото полувреме, напаѓаше, но Звезда одлично се бранеше и успеа да се закани во два наврати. Едно невнимание кое го казни Леао за водство од 1:0.

Во второто полувреме Звезда одигра одлично и успеа да израмни со прекрасниот гол на Радоњиќ на 1:1, а потоа Ивањиќ имаше шанса и за пресврт. Абрахам во 87-та минута погоди за водство од 2:1 и победа на „росонерите“.

Дербито на вечерта го доби Јувентус. После мирното прво полувреме Влаховиќ во 53-та минута погоди за 1:0, а Мекени ги постави конечните 2:0.

Барселона оствари триумф на гости против Борусија Дортмунд (2-3) и стигна до 15 бода во Лигата на шампионите. Рафиња го отвори резултатот, а потоа Гераси и Феран Торес постигнаа по два гола.

Арсенал го победи Монако со 3-0. Букајо Сака беше двоен стрелец, а погоди и Каи Хаверц.

Феенорд ја победи Спарта Прага со 4-2, а Штутгарт беше убедлив против Јанг Бојс и славеше со 5-1.