Чудото од дете кое кажа дека сака да игра за Реал Мадрид доби изненадување од Баерн Минхен

Талентираниот млад германски фудбалер Ленарт Карл (17) предизвика вознемиреност во Баерн со своите последни изјави.

Иако е во одлична форма, младиот фудбалер ги налути баварските навивачи, кои дури побараа од него да си замине. Имено, момчето неодамна најави дека во иднина сака да игра за Реал Мадрид, клубот од неговите соништа.

„Баерн е голем клуб и е сон да се игра тука, но во некој момент дефинитивно сакам да одам во Реал Мадрид”, изјави Карл, што брзо предизвика силни реакции од навивачите на Баерн, кои сметаат дека како играч на германскиот клуб не би требало воопшто да дава вакви изјави.

Следеше реакција од самиот клуб. Се разбира, во Баерн не се многу загрижени за тие зборови, но сепак го сметаат за иднината на клубот.

Јасно е дека не сакаат да го изгубат и донесоа јасна одлука. Според извештаите на медиумите, шефовите на Баерн се подготвени да му понудат на Карл продолжување на договорот.

Во моментов Ленарт Карл има договор кој важи до летото 2028 година, но во Минхен му подготвија договор до 2031 година. Карл наводно се согласи да го потпише продолжувањето на соработката и се гледа себеси понатаму во Баерн. По истекот на договорот тој би имал 23 години.

Пред да се приклучи на Баерн (2022), Карл, додека беше во академијата на Ајнтрахт од Франкфурт, доби покана од Реал Мадрид за неколку проби, една од нив на Сантјаго Бернабеу.

Неодамна се појави фотографија на фудбалерот во дрес на Реал Мадрид. Галактите го пропуштија трансферот затоа што семејството не беше уверено во интересот за Карл.

Потоа на сцената стапи Баерн и го доведе во Минхен, што очигледно беше полн погодок. Очекувано е дека покрај него, нови договори ќе потпишат Дајот Упамекано и Серхе Гнабри.

Карл сега ќе добие многу поголема плата (во моментов заработува 1.000.000 евра годишно, а кога ќе стави параф, неговата заработка ќе изнесува од 5.000.000 до 7.000.000).