Чави Симонс веќе е во Лондон и го чека потпис!

Чави Симонс е еден од играчите кој наскоро се очекува да го смени клубот во рамките на тековниот трансфер период. Се чини дека тој момент е на повидок, бидејќи извонредниот среден играч веќе пристигна во Англија.

Со голема веројатност може да се каже дека ѕвездата на Лајпциг својата кариера ќе ја продолжи во Премиер лигата. Очигледно е дека тоа ќе биде во Лондон, што го потврди и самиот играч со своето пристигнување во британската престолнина.

Но сè уште не е познато во кој клуб. Веќе цело лето се говори за интерес на Челзи за холандскиот репрезентативец, но последните денови и Тотенхем се вклучи во трката.

🚨 Xavi Simons has arrived in London with his camp in order to clarify future move soon, authorized by Leipzig.

Tottenham are in club to club talks with Leipzig, official contact made today.

Chelsea remain in talks with Leipzig as they had all ready on player side since July. pic.twitter.com/iMShYR8ayo

— Fabrizio Romano (@FabrizioRomano) August 28, 2025

Спарс се во интензивно барање за напаѓачки среден играч. Градскиот ривал Арсенал им „го зеде“ Езеа, а преговорите со Сити за Савињо сè уште траат.

Од друга страна, Челзи решава една голема задача, бидејќи практично се договорил за заминување на Нкунку во Милан. Ова отвора можност за доаѓањето на Симонс, но завршувањето на трансферот на францускиот репрезентативец го чека и Алехандро Гарначо. Несомнено, ќе биде интересно во Тотенхем и Челзи во завршницата на трансфер периодот.