Претседателот на Бразилската фудбалска федерација (CBF), Самир Шауд, објави дека целта на раководството е Карло Анчелоти да остане на кормилото и по завршувањето на Светското првенство, што ќе се одржи од 11 јуни до 19 јули во САД, Канада и Мексико.
Откако легендарниот Италијанец пристигна во Бразил во мај минатата година, договорено е дека ќе остане до крајот на Мундијалот, по што неговиот договор истекува.
До кога ќе дишеме отровен воздух!? | Уште еден поткаст
Шауд откри дека веќе се водат преговори за негово продолжување.
– Разговорите се веќе започнати, двете страни се заинтересирани за проширување на соработката. Продолжувањето на договорот пред почетокот на Светското првенство е клучно за бразилскиот фудбал. Отсекогаш сум верувал во среднорочни и долгорочни проекти. Анчелоти за кратко време ја докажа својата вредност и компетентност. Тој е совршен за бразилската репрезентација. Сакаме да му дадеме повеќе време за работа во бразилскиот фудбал – изјави Шауд за италијанскиот сајт „Туто меркато“.
Карло Анчелоти ја предводеше селекцијата на Бразил на осум натпревари и забележа четири победи, два нерешени и два порази. Селекцијата со која раководи ќе се натпреварува во групата Ц против Мароко, Шкотска и Хаити на престојното светско натпреварување.
Учество во игри на среќа е дозволено за лица со 18+ години. Играј одговорно!