Бизарно: Клубот го моли Депај да се исели од хотелот – бил прескап!

Претседателот на бразилскиот фудбалски клуб Коринтианс, Осмар Стабиле, се обрати до холандскиот напаѓач Мемфис Депај со барање да се исели од луксузниот хотел во центарот на Сао Пауло, каде што моментално престојува.

Според информациите на бразилскиот медиум UOL, Стабиле ја изнел оваа молба на состанокот на Советот за управување со клубот, одржан на 29 октомври, каде што со Депај разговарале за потребата да премине во помалку скап стан или куќа.

Месечниот трошок за неговиот престој, кој го покрива клубот, изнесува околу 250.000 реали (приближно 45.000 евра), што е во согласност со условите утврдени во неговиот договор при потпишувањето.

Од Коринтианс известија во медиумите дека самиот играч предложил да се пресели, но според информации од UOL, Депај се уште живее во хотелот и неговото заминување засега не е во план.

🚨 𝗡𝗘𝗪: Corinthians have asked Memphis Depay to leave the hotel suite where he lives and find a cheaper place, as they pay $46k USD/month for the suite, and, apart from that, pay for EVERYTHING ELSE:

• Room service and food
• Cleaning
• Private butler
• Private chef… pic.twitter.com/MQ5n5fazrn

— The Touchline | 𝐓 (@TouchlineX) November 5, 2025

Блиски извори на играчот тврдат дека Депај нема лесно да се откаже од хотелскиот живот, затоа што ужива во луксузот и погодностите што ги нуди престојот таму, вклучувајќи ја и услугата во соба, секојдневно чистење, личен батлер, перална и 24-часовен консиерж.

Покрај тоа, тој располага со личен готвач, брониран автомобил со возач и приватен телохранител, што клубот според договорот е должен да му ги обезбеди.

Забележуваме дека Депај потпиша за Коринтианс во септември 2024 година, и при неговото доаѓање, разгледуваше неколку куќи во елитното населено место Alphaville, но ниедна не ги задоволи неговите барања.

Главната причина беше растојанието до тренинг центарот на клубот, Joaquim Grava, што го натера Холанѓанецот да го преферира хотелот, бидејќи е поблизу до тренинг локацијата.