Бизарна изјава на Аморим по поразот: Гледам напредок во овој тим, заслуживме победа!

Манчестер Јунајтед повторно ги разочара своите навивачи со пораз, а синоќа беше совладан од тимот на Нотингем Форест.

Нотингем Форест синоќа го совлада Манчестер Јунајтед со резултат 1:0, а единствениот стрелец беше поранешниот играч на Црвените ѓаволи – Ентони Еланга.

По уште едно разочарување во лигата, Рубен Аморим одржа интересна прес-конференција по натпреварот.

Кога беше запрашан да ја коментира играта на својот тим и самиот натпревар, даде доста бизарна изјава.

„Гледам напредок во овој тим, тоа е сигурно. Но, сега треба да се фокусираме и на самите резултати“, започна Аморим.

„Заслуживме победа против Нотингем Форест, сепак на крајот ги загубивме трите бода“, додаде Португалецот.