Карло Анчелоти е целосно способен да ја врати славата на бразилската национална репрезентација, изјави поранешниот одбранбен играч на Реал Мадрид и Манчестер Јунајтед, Рафаел Варан.
Италијанецот ќе ги преземе петкратните светски прваци подоцна месецот и ќе стане првиот во нивната историја странски селектор.
Како започна приказната со Goblin Games - од гаража до бренд! ↓↓↓
“Во националните тимови имаш многу тесен рок, во којшто треба да се подготвиш и да бидеш во врвна форма. Тоа е сосема поинаков предизвик од процесите на клупско ниво. Сепак, мислам дека луѓето кои се способни да освојат Лига на шампиони и да покажат најдоброто од себе во големите натпревари, можат да се справат на двата нивоа”, рече Варан.
“Карло е одличен тренер. Тој има богато искуство и знае како да ги подготви своите фудбалери за да бидат во врвна форма во вистинскиот момент. Тоа е најтешкото нешто во фудбалот. На светски првенства немаш втора шанса и не можеш да ги пропушташ можностите. Тој само знае како работите се случуваат на највисоко ниво,” продолжи поранешниот француски репрезентативец.
Во моментов, Бразил е на четврто место во квалификациите за светско првенство во зоната на Јужна Америка, заостанувајќи десет поени од Аргентина. .
“Тој знае што треба да направи и како да ги подготви фудбалерите. Карло се чувствува доволно удобно насекаде и ги води своите тимови со авторитет. Бразил има многу квалитетни играчи. Тој само треба да ги зближи и да им влее самодоверба,” додаде Варан.
Учество во игри на среќа е дозволено за лица со 18+ години. Играј одговорно!