Билд: Борусија е на работ на колапс, Ковач го изневерија играчите

НИКО КОВАЧ го победи Спортинг во Лигата на шампионите (0:3), но загуби од Штутгарт (1:2) и Бохум (2:0) во Бундеслигата откако на почетокот од февруари стана тренер на Борусија Дортмунд. Следниот натпревар го има во среда во 21 часот, кога ќе го пречека лисабонскиот клуб во реваншот за осминафиналето на Лигата на шампионите.

Билд пред овој натпревар објави текст под наслов “До кога Ковач ќе ги штити своите губитници во БВБ?”, каде што се наведува: “БВБ е на работ на колапс по поразот од Бохум. Шефовите се запрепастени. Професионалните играчи се кријат наместо да ја преземат одговорноста.”

Тренерот Ковач ja препозна катастрофалнaта состојба на неговиот тим. За да спречи понатамошни немири, се залага за играчите кои безмилосно го изневерија. На Хрватот не му останува ништо друго освен да го покаже своето познато лице на строг тренер и да преземе радикални мерки против сопствените професионалци.”

Ковач доби договор на година и пол, во кој, како што откри претходно Билд, постои клаузула според која клубот ќе му исплати 750 илјади евра ако успее да се пласира во Лигата на шампионите. Со оглед на тоа што сега е на 11-то место, осум поени зад четвртопласираниот РБ Лајпциг, кој директно би влегол во ЛШ, го очекува тежок предизвик.

Билд повеќе пати ги критикуваше фудбалерите на Борусија по доаѓањето на Ковач, а овој последен текст се појави по поразот од Бохум, кој влезе во натпреварот како последен тим во германското првенство.