Бекам го избра најдобриот фудбалер на сите времиња: Изненадени ли сте?

Поранешниот англиски репрезентативец Дејвид Бекам, кој во Европа играше за клубови како што се Манчестер Јунајтед, Реал Мадрид, Милан и ПСЖ, немаше дилема кога избираше кој го смета за најдобар играч на планетата, на сите времиња.

„Лео е најдобриот играч на светот и на сите времиња,“ рече човекот кој беше една од ѕвездите на „галактикосите“ на Реал Мадрид.

Тој за време на својот говор во Лондон предвиде дека неговиот поранешен клуб во Шпанија, Реал Мадрид, оваа сезона повторно ќе ја освои Лигата на шампионите, а се осврна и на големите проблеми низ кои минува Манчестер Сити.

„Пеп Гвардиола е еден од најдобрите тренери во светот, но секој голем клуб минува низ вакви времиња и кога тимот губи играч или доаѓа нов, составот може малку да се промени,“ анализираше тој.

Четириесет и деветгодишниот совладетел на американскиот клуб Интер Мајами за кој игра Лео Меси ја сумираше својата биографија низ некои од градовите во кои живеел.

„Лондон е мојот дом, Манчестер беше мојот дом долго време, а Мајами е како мој нов дом“, истакна тој.