Младата ѕвезда на Пари Сен Жермен Дезире Дуе е овогодинешен носител на наградата Golden Boy за најдобар фудбалер во Европа до 21 година.
Францускиот репрезентативец оваа година освои вкупно пет трофеи со ПСЖ, вклучувајќи ја и Шампионската лига, титулата во Лига 1, Купот на Франција и суперкупите на Франција и Европа.
Данска vs. Македонија: Како тие се справуваат со отпадот, додека ние се расправаме кој е крив?
Од почетокот на минатата сезона досега, десното крило има одиграно вкупно 69 натпревари со Парижаните, во кои постигнал 19 голови и 19 асистенции. Неговиот златен миг дојде во финалето на ШЛ, кога постигна два гола и асистираше за погромот од 5:0 против Интер.
Така 20-годишниот Дуе ја освои новинарската анкета за престижната награда, која минатата година беше доделена на Ламин Јамал од Барселона.
На церемонијата организирана од “Тутоспорт” беа доделени и други бројни награди, некои од кои беа пресудени од специјално жири, составено од фудбалски легенди, меѓу кои Лотар Матеус, Андриј Шевченко, Павел Недвед, Алесандро Костакурта, Сеск Фабрегас, Хуан Себастијан Верон и Руи Кошта.
Учество во игри на среќа е дозволено за лица со 18+ години. Играј одговорно!