Фудбалскиот клуб Барселона, заедно со Градскиот совет на Барселона и Владата на Каталонија, ја поднесе почетната документација на Европската фудбалска унија (УЕФА) за организација на финалето на Лигата на шампионите во 2029 година, соопшти денеска каталонскиот клуб.
Во соопштението се наведува дека Барселона официјално изразила подготвеност, во соработка со градските и регионалните власти, со одобрение на УЕФА и поддршка од Фудбалскиот сојуз на Шпанија (РФЕФ), да учествува во почетната фаза на кандидатурата и да го предложи стадионот „Камп Ноу“ за организација на финалето на ЛШ 2029.
Исхрана, повреди и тренинг – совети од доктор по спортска медицина | Уште еден поткаст
Барселона изјави дека конечната кандидатура ќе биде формализирана на почетокот од јуни 2026 година кога ќе биде поднесена целокупната потребна документација за добивање на домаќинство на финалето на ЛШ.
Да потсетиме, стадионот „Камп Ноу“ неодамна беше реновиран, поради што самата Барселона играше на заменски терен.
Учество во игри на среќа е дозволено за лица со 18+ години. Играј одговорно!