Барселона пронајде решение за најголемиот проблем, Флик доби играч каков што сакаше

Барселона успеа да го реализира својот примарен приоритет во зимскиот трансфер период – зајакнување на конкуренцијата во одбраната. Каталонскиот клуб постигна договор со Ал Хилал за заемно ангажирање на португалскиот дефанзивец Жоао Кансело (31), кој се враќа на Камп Ноу до крајот на сезоната, информира реномираниот трансфер експерт Фабрицио Романо.

Тренерот Ханси Флик веќе јавно говореше за потребата од нов дефанзивец, особено со ослабување на тимот поради повредата на Андреас Кристенсен. Неговата долготрајна отсуство отвори можноста за активација на замена. Со задолжителното поднесување на неговата медицинска документација до управата на Ла Лига, клубот може да ослободи до 80% од неговата плата и да ги искористи тие средства без прекршување на правилата за финансиски фер-плеј.

Детали за договорот

Според информациите на Фабрицио Романо, Барселона ќе покрие сума од 4 милиони евра за платата на Кансело до крајот на сезоната. Од друга страна, Мундо Депортиво известува дека тоа ќе биде надоместок за заемот кој е приближно 5 милиони евра, исто со сумата ослободена од платата на Кристенсен.

Беше очекувано дека Кансело ќе го напушти Блискиот исток оваа зима, а изминативе денови самиот тој изрази желба да се врати во Барселона, клубот за кој играше на заем од Манчестер Сити за време на сезоната 2023/24.

Присуството на Барселона во Саудиска Арабија, каде што тимот се подготвува за Шпанскиот суперкоп, значително ги забрза преговорите со Ал Хилал. Брзата реакција беше клучна, имајќи предвид дека Барселона не беше единствениот клуб заинтересиран за португалскиот бек.

Кансело запиша шампионски титули со Бенфика, Јувентус, Манчестер Сити и Баерн. Со селекцијата на Португалија ја освои Лигата на нации.