Aтлетико има голем план: Ќе потроши 165 милиони евра за двајца Аргентинци!

Фудбалскиот клуб Атлетико Мадрид подготвува терен за доведување на нов централен бек, а значително напредување во преговорите може да се очекува оваа недела, информира „As“.

Тренерот Симеоне има желба, а раководството сега работи на комплицираното остварување на оваа трансакција, бидејќи сумата е прилично голема. 

Атлетико Мадрид се стреми да го потпише Кристијан Ромеро како дел од плановите за зајакнување на одбранбената линија за ова лето. Тие го гледаат како приоритет во летниот трансфер период, иако веќе ги ангажираа Матео Руџери и Алекс Баена, и наскоро се очекува доаѓањето на Џони Кардоза од Бетис. Досега потрошија 75.000.000 евра, а се зборува дека ќе вложат уште толку!

Тотенхем бара 70.000.000 евра за својот бек, иако договорот му важи до 2027 година. Шпанскиот клуб е спремен да пристапи до 55.000.000 евра, додека дополнителни 15.000.000 евра би се оствариле преку различни бонуси.

Популарниот Кути е заинтересиран од повикот на својот сонародник. Свесен е дека би бил значаен дел од тимот, а стручниот штаб и соблекувалната го гледаат како искусен и проверен играч.

Атлетико е јасно спремен да потроши дополнителни средства за уште еден Аргентинец, откако лани го донесоа Хулиан Алварез за 95.000.000 евра. Двајца светски шампиони за 165.000.000 евра – оваа инвестиција мора да донесе успех за да се оправда потрошените средства.