Менаџерот на Арсенал, Микел Артета, изрази загриженост поради повредата на фудбалерот Виктор Ѓокереш, откако напаѓачот не отпатува со тимот во Прага за натпреварот со Славија во Лигата на шампионите.
Ѓокереш се повреди во саботата на натпреварот против Барнли (2:0) и мораше на полувремето да ја напушти играта.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
„Тој дефинитивно не е достапен. Не тренираше и треба да направиме уште тестови и снимања во следните неколку дена за да видиме целосниот опсег на повредата. За овој натпревар, не можеме да сметаме на него“, рече Артета, пренесе Скај.
Фудбалерите на Арсенал играат во вторник од 18:45 во Прага против Славија, натпревар од четвртото коло на Лигата на шампионите. Менаџерот беше запрашан дали е загрижен или станува збор за краткотрајна повреда.
„Загрижен сум бидејќи немаше многу проблеми со мускулите и мораше да го напушти теренот, бидејќи почувствува нешто. Тоа никогаш не е добар знак за играч кој е експлозивен. Малку повеќе истражуваме за да го разбереме карактерот на повредата“, посочи Артета.
Учество во игри на среќа е дозволено за лица со 18+ години. Играј одговорно!