Англичаните „мелат“, а Тухел реши жестоко да ги критикува навивачите по победата против Велс

Селекторот на Англија, Томас Тухел, реши да ги прозове навивачите кои беа присутни на Вембли поради победата на оваа репрезентација против Велс.

Англичаните остварија лесна победа против Велс, а головите ги постигнаа Морган Роџерс, Оли Воткинс и Букајо Сака.

Сепак, Тухел реши да ги прозове домашните навивачи бидејќи беа тивки откако беше постигнат третиот гол.

Го засметало тоа што повеќе ги слушал навивачите од Велс како пеат, особено во последната половина од натпреварот.

„Навивачите беа тивки. Тивки. Никогаш не добиваме енергија назад од навивачите и мислам дека играчите заслужија поголема поддршка од трибините“, вели Тухел.