Карло Анчелоти вчера беше официјално претставен како нов селектор на бразилската репрезентација, а со тоа стана првиот странски селектор во историјата на Кариоките.
Со Анчелоти во Фудбалскиот сојуз на Бразил ќе дојде и една голема и интересна промена, бидејќи челниците на Сојузот се согласија на целосно неочекуваното барање на Италијанецот.
🚨Пушењето сега е дозволено во сите простории на седиштето на CBF како дел од договорот на Анчелоти со Едналдо!
— Brasil Football 🇧🇷 (@BrasilEdition) May 12, 2025
(via; @globosport) pic.twitter.com/PYoM0qnKpi
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Имено, бразилскиот Globo пишува дека Анчелоти од челниците на Фудбалскиот сојуз на Бразил побарал да биде дозволено пушењето во просториите на Сојузот, а тие без многу размислување се согласија на тоа.
Така што од денеска пушењето цигари ќе биде дозволено во сите простории на Фудбалскиот сојуз на Бразил, а Анчелоти одамна е познат како страствен пушач.
Да потсетиме, Анчелоти ќе ја преземе селекторската позиција на Бразил по заминувањето од Реал Мадрид кој го го напушта по многу успешни четири години. Со Кралевите во изминатиот период освои две титули во Лигата на шампионите и две во Ла Лига.
Дебито на кормилото на Кариоките, Анчелоти ќе го има на 6 јуни, кога Бразил гостува на Еквадор во натпреварот за квалификации за Светското првенство.
Во моментов, Бразил е на четвртата позиција на табелата во квалификации со 21 бод и речиси го обезбеди пласманот на Мундијалот што следната година ќе се одржи во Америка и Канада.
Фото: Real Madrid C.F/FB
Учество во игри на среќа е дозволено за лица со 18+ години. Играј одговорно!