Фудбалерите на Реал Мадрид победија во првиот натпревар од плејофот за влез во осминафиналето од Лигата на шампионите на гостувањето кај Манчестер Сити.
Иако Англичаните водеа со 1:0 и 2:1 со головите на Ерлинг Халанд, Реал изедначи преку Килијан Мбапе и Брахим Дијаз, за во 92. минута Џуд Белингем да постигне гол за победа од 2:3.
Учиме по најтешкиот пат: Со едукација за заштита и спасување до спречување на трагедии! ↓↓↓
По натпреварот изјава за медиумите даде тренерот на Реал Мадрид Карло Анчелоти. “Мирен сум и среќен, очигледно. Добро игравме во првиот од двата натпревари, имаме мала предност и мораме добро да одиграме во реваншот. Натпреварот помина добро, се браневме солидно, сите напорно работевме. Имавме многу шанси и не се откажувавме.”
“Заслуживме победа. Можевме да бидеме и поефикасни. Манчестер Сити нема да го промени пристапот во следниот натпревар, а ние исто така. Мораме добро да се браниме и да не влегуваме во некој луд притисок бидејќи така можат да ни нанесат штета”, рече тренерот на Реал по натпреварот.
Учество во игри на среќа е дозволено за лица со 18+ години. Играј одговорно!