Добра вест за Реал Мадрид: Познат точниот датум на враќањето на Алаба

Тренерот на Реал Мадрид, Карло Анчелоти, потврди денес дека Давид Алаба наскоро ќе се врати во натпреварувачката постава.

Како што е познато, Алаба ја задоби повредата на предните крстни лигаменти во декември 2023 година, од тогаш е надвор од теренот.

Алаба имаше бројни проблеми за време на закрепнувањето, затоа сега конечно се врати во целосен тренажен процес.
 
Карло Анчелоти денес потврди дека Алаба ќе биде во составот од 20 јануари. Ова значи дека нема да игра на утрешното гостување кај Валенсија, како и на претстојниот Суперкуп на Шпанија во Саудиска Арабија.

“Давид Алаба е многу блиску до натпреварите, мислам дека ќе биде подготвен на 20 јануари. Сега ќе можеме да ротираме повеќе, особено во одбраната”, рече Анчелоти.

Ова секако е одлична вест за гигантот од Мадрид, посебно ако се земе предвид дека Дани Карвахал и Едер Милитао ќе се вратат на теренот дури на есен.