Aморим брутално го понижи Рашфорд: Попрво би му дал шанса на 63-годишниот тренер на голманите

Тренерот на Манчестер Јунајтед, Рубен Аморим, изјави дека би го ставил својот 63-годишен тренер за голмани како замена пред Маркус Рашфорд или кој било друг играч на Манчестер Јунајтед кој не дал свој ‘максимум’ на тренинзите.

На прашањето за отсуството на Рашфорд од екипата која го победи Фулам со 1:0, Аморим рече дека “причината е тренингот”.

Ruben Amorim claims he would rather play his 63-year-old goalkeeper coach than Marcus Rashford in astonishing dig at outcasted Man United striker https://t.co/JNhmazXajI

— Mail Sport (@MailSport) January 26, 2025

“Причината е секогаш иста. Причината е тренингот, начинот на кој гледам што треба да работи еден фудбалер. На тренинг, во животот и тоа секој ден, секој детал. Така, ако не се сменат работите, јас исто така нема да се сменам,” беше јасен Аморим, додавајќи:

“Иста е ситуацијата за секој играч. Ако работите максимално, ако ги работите вистинските работи, можеме да искористиме секој играч. Тоа можете да го видите денес на клупата – ни недостасува малку темпо да продолжиме, да ја смениме играта, да преместиме некои фигури, но јас повеќе сакам така. Ќе го ставам Витал (тренерот за голмани) пред да ставам играч кој не го дава максимумот секој ден, така што нема да се менувам во тоа,” тврдеше Португалецот.

🚨💣 Rúben Amorim on Rashford: “I’d put the goalkeepers coach Vital before I put a player who does NOT give the maximum every day…

…in training, in life, every detail”.@BeanymanSports 🎥 pic.twitter.com/UrjdZhKfwI

— Fabrizio Romano (@FabrizioRomano) January 26, 2025

Да се потсетиме, од доаѓањето на Аморим во Манчестер, Рашфорд е практично “отпишан” и се очекува да го напушти клубот до крајот на преодниот рок.

Како главен кандидат за неговото доведување се споменува Барселона, која пред трансферот треба да го усогласи буџетот за да може да го доведе.