Алонсо во проблеми: Реал доби лоши вести пред дербито со Ливерпул!

Еден од најголемите дерби натпревари во четвртото коло од Лигата на шампионите ќе се одигра утре на Енфилд меѓу Ливерпул и Реал Мадрид, а Чаби Алонсо наиде на непријатни вести пред патувањето во Обединетото Кралство.

Во овој момент, кралевите се наоѓаат во одлична форма за разлика од Ливерпул, кој се бори со резултатите во последниот период.

Натпреварот на Енфилд ќе започне утре во 21 часот и не се сомневаме дека не очекува многу возбудливо дуело.

Сепак, пред дуелот со Ливерпул, до Aлонсо стигнаа лоши вести бидејќи неговиот тим ќе влезе во утрешниот натпревар ослабен.

Од кралскиот клуб потврдија дека Франко Мастантуоно нема да биде достапен за Алонсо поради повреда, и засега не е познато колку ќе трае рехабилитацијата на аргентинскиот играч.

🚨🚨| JUST IN: Franco Mastantuono has suffered an injury. He has pubalgia and the recovery period is unknown for now.

[@AranchaMOBILE] pic.twitter.com/WQpc0DUe00

— CentreGoals. (@centregoals) November 3, 2025

Сепак, повредата на Мастантуоно не е единствената главоболка за Алонсо пред дуелот против клубот каде што некогаш настапуваше.

Има неизвесности околу тоа дали Арнолд ќе успее целосно да закрепне за утрешниот натпревар против својот поранешен клуб и веројатно е дека Англичанецот ќе остане на клупата.

🚨 𝗝𝗨𝗦𝗧 𝗜𝗡: Trent Alexander-Arnold is not fully fit yet, he is still in his recovery plan.

It is unlikely that he will start against Liverpool. Fede Valverde is expected at start at right-back.

— @TheAthleticFC pic.twitter.com/JdfODpzVu2

— The Touchline | 𝐓 (@TouchlineX) November 3, 2025

Ова е голем проблем за Алонсо, бидејќи неодамна остана без Дани Карвахал, што укажува на тоа дека ќе мора повторно да експериментира со решението на десната бек позиција.

Добрата вест е дека Валверде е подготвен и очекувањата се дека токму Уругваецот ќе се нафати со обврските на десната бек позиција, бидејќи тој веќе има искуство на таа позиција.

Реал Мадрид освои сите девет поени во првите три натпревари од новата сезона на Лигата на шампионите, додека „црвените“ не се на истото ниво.

Ливерпул има шест поени благодарение на победите над Атлетико Мадрид и Франкфурт, но во втората рунда, екипата на Арне Слот неочекувано претрпе пораз од Галатасарај во Истанбул.

Се очекува Енфилд со аплаузи да го дочека враќањето на Алонсо кој остави големо влијание играјќи за овој тим, но не е сигурно дека ист третман ќе добие Арнолд кој летото го замени Ливерпул со Реал..