Ал Хилал приреди најголема сензација на Светското клупско првенство (Видео)

Ал Хилал успеа да приреди големо изненадување и во осминафиналето на Светското клупско првенство, по продолженија го победи Манчестер Сити со 4:3 и се пласира во следната рунда на натпреварувањето.

Беше јасно дека Сити има голема улога за фаворит во овој дуел, и многумина го видоа тимот на Пеп Гвардиола веќе во четвртфиналето на Светското клупско првенство.

Сепак, играчите на Ал Хилал имаа сопствено мислење и успеаја да направат најголема сензација досега во овој дел од натпреварувањето кое се игра во Америка.

По првото полувреме ништо не навестуваше дека „Граѓаните“ ќе доживеат пораз, бидејќи веќе во деветтата минута поведоа со 1:0 кога Бернардо Силва ја погоди мрежата на Ал Хилал по асистенција на Гундоган.

Но, на почетокот на второто полувреме, Ал Хилал стигна до пресврт. Прво Маркос Леонардо израмни на 1:1 веќе во 46-тата минута, а само шест минути подоцна по асистенција на Кансело погодок за 1:2 постигна Малком.

Тоа не го потресе многу Манчестер Сити, бидејќи англискиот клуб успеа да израмни на 2:2 веќе во 55. минута, а овој пат на листата на стреци се запиша Ерлинг Халанд.

До крајот на регуларното време резултатот не се промени, така што натпреварот отиде во продолженија во кои видовме уште три гола.

Ал Хилал до ново водство стигна во 94-тата минута кога Кулибали ја погоди мрежата за 2:3, но само десет минути подоцна Сити повторно се враќа голот на Фоден кој постигна гол за 3:3 само неколку минути по влегувањето на теренот.

Иако се чинеше дека патникот во четвртфинале ќе биде решен по пенали, во 112-тата минута следуваше нов шок за Манчестер Сити.

Маркос Леонардо со својот втор гол на натпреварот донесе ново водство за Ал Хилал откако погоди за 3:4, и се покажа дека тоа е конечниот исход на фантастичниот натпревар во Орландо.

Here’s your 1-Minute Highlights – Presented by @Verizon

Watch the @FIFACWC | June 14 – July 13 | Every Game | Free | https://t.co/i0K4eUu4lJ | #FIFACWC #TakeItToTheWorld #MCIHIL pic.twitter.com/W8BEPlbCMp

— DAZN Football (@DAZNFootball) July 1, 2025

Фото: Принтскрин