Aмбициозен проект на Тотенхем: По Мундијалот тргнуваат по играчот на Барса?

Како што пренесува „Диарио Спорт“ примарна мета на Тотенхем е фудбалерот на Барселона, Жорди Алба!

Репрезентативецот на Шпанија во овој момент се наоѓа на Мундијалот во Русија, па евентуалниот трансфер во Лондон би се реализирал на крајот од турнирот. Левиот бек има уште две години договор со тимот Барселона, а се уште не му е понуден договор што не е чест случај во Барселона.

Се почесто се зборува дека новиот спортски директор на клубот Ерик Абидал има намера да доведе нов играч на таа позиција, па заминувањето на Алба не изгледа не реално.

Шпанецот претходно се поврзуваше со Челзи и Манчестер Јунајтед, но изгледа дека Спарсите имаат амбициозен проект. Сепак, да го почекаме крајот на Мундијалот кога се би било појасно.