Гигантите „полудеа“ по Салах – Ливерпул не го дава

Мохамед Салах оваа сезона е најверојатно најдобриот фудбалер во Премиер лигата, па многу европски гигнати се воодушевени од „египетскиот Меси“.

Од поодамна интерес за Салах покажува Реал Мадрид, но во трката за неговиот потпис се вклучуваат уште Барселона, ПСЖ и клубовите од Манчестер.

Меѓутоа, англиските медуми пренесуваат дека Ливерпул е спремен да ги одбие сите понуди кои ќе пристигнат за Салах, па дури и ако некој клуб понуди 200 милиони фунти.

„Црвените“ сакаат да ги задржат своите најдобри фудбалер, и додатно да го засилат тимот за следната сезона конечно да ја нападнат титулата во Премиер лигата.

Сигурно е дека ќе пристигне ѕвездата на Лајпциг, Кеита, а клубот од „Енфилд“ е уште заинтересиран за Дрекслер од ПСЖ, Ндиди од Лестер и голманот на Рома, Алисон.

Клоп смета дека со овие засилувања и Салах во тимот следната сезона ќе може да атакува на титулата во Премиер лигата.