На Островот пристигна ВАР, арбитрите не го искористија (ВИДЕО)

Фудбалерите на Брајтон се пласираа во следната фаза од ФА Купот, откако вечерва на свој терен славеа над Кристал Палас со 2:1.

Брајтон поведе со голот на Стивенс во 25. минута и со резултат 1:0 се замина на одмор.

Бакари Сако во 69. минута изедначи и го врати Кристал Палас во живот, но потоа фантастичниот Мареј уште еднаш беше херој за Брајтон.

Тој овојпат во игра влезе во 81. минута, а во 87. минута по прекинот се најде на вистинското место и влезе со топката во голот.

Брајтон во следната фаза ќе гостува кај Миделзброу.